مسجــــ ــــروعه ـــــــــــــــــــــــــا ت

تنهّد والتفـت يمّـي وقـال بْـروح فزاّعـه
حبيبي يا بعد عمري أحبك ( والهوى غـلاّب)
هواك بْمهجتي أقرب من الخفّاق لإضلاعـه
وهذا اشلون لا تسأل سألت ولا لقيت اسباب
أحبك كثر ما أكره فراقك واشرب اوْجاعـه
أحبك كثر ما تسهر عيون ٍ تنتظـر احبـاب

ღ♥ღღ♥ღ

يا صاحبي دنياك مهما أضحكت لـك
بالك تشوف بْيـوم عالنـاس حالـك
باجر تدور أيّامهـا وأن بكـت لـك
تضحك عليك الناس وتصبح لْ..حالك
تشوف آقرب نـاس همّـت بقتلـك
لو دامت لغيرك ترى ما وْصلت لـك
الدايـم الله وغيـره الكـل هـالـك

ღ♥ღღ♥ღ

كل شيء فيني غصب عني
يبيك..ولا يبيني
روحي وقلبي وعيني
وآنــا .. ويّاهم حبيبك
ما طلبتك مستحيل أرجوك بس
أفهم شعوري
ودي...لو مرّه أحس الشوق
من قلبك يجيني
وألا تْـدري أشلون بسْ.
بينك / وبيني...!
ما أقول إلأ..
أنـا وقلبي وعيني
غصب عنك يبونك

ღ♥ღღ♥ღ

وشهو آخر هالغياب ؟!
أسألي رمل الشواطي
كم كتبت احروف اسمك؟!
كم رسمتك ؟!
كم حضنتك في التراب ؟!
قولي: اشتقت ..
وبسامح!!
منهو غيرك ..يرسم لضحكي ملامح ؟!
منهو غيرك ؟!
فلسف بصدري
الكآبه؟!
لين متى وانا
انتظرك في تعاسه؟!
وشهو آخر هالغياب ؟!

ღ♥ღღ♥ღ

حاولي مره تحسّـين الجروح
كل جرح ٍ عانق أحساسك شفى
إيـه دام أنتي الهوى بأنفاس روح
أشتكيك البرد وينك يالدفـى

ღ♥ღღ♥ღ

ارسم على وجه الزمن صورة انسان
واثر الزمن يمسح بقاياه فيني
واتخيّله في وسط فكري فـ الازمان
واستشعره مابين جفني وعيني
وادري على حفظ الصور مانيْ ندمان
يوم الزمن يتلف هدايا سنيني
ليت الزمان اللي علي مرّ ماكان
ليته سراب ضايع ٍ في يديني

ღ♥ღღ♥ღ

حبيـبـي لا تـطـول فــي البـعـادي..
غيابك جـرح وحضـورك ضمـاده..
دموع العين صارت شي عـادي ..
تـزور الرمـش حتـى فــي رقــاده..
انـا شذنـبـي عشقـتـك يــا ودادي..
ولا غيرك سكـن قلبـي و سـاده ..؟
بعد ما صـرت قطعـة مـن فـؤادي..
تــروح وتـتـرك ايـامـي نـكـاده !!؟

ღ♥ღღ♥ღ

إيه احبك ..
من حكى لك ..
انك انت في حياتي ...
شخص عادي لا تصدق يا حياتي..
من حكى لك ..
اني لوساعه نسيتك في غيابي ....
لا تصدق يا عذابي ..
لو زعلنا من بعضنا وكنت انا قاسي بعتابي...
ومن عنادي قلت انك شخص عادي ...
قولي كذاااب ما تقوى بعادي ....

ღ♥ღღ♥ღ

乂 بـــــــــــوووح 乂

ياخــذك .. يا دمعــةٍ طاحــت على خد المواجــه
ما عرفتي تصبــرين اليــن ما عينــه تروح ؟
و الله اني ما قصدت بدمعــتي يا قلــب حاجه
بس فاجأني بغلاهْ .. و صممت عيني تبوح !!

ღ♥ღღ♥ღ

عاشقك يهواك ما يرضى سـواك
يوم شوفك في حسابه يـوم عيـد
كيف تطلب واحد(ن) روحه فـداك
مرخص(ن) لك دم قلبه والوريـد
انت تآمـر انـت تآمـر يامـلاك
صرت لك خادم ومخلص وانت سيد

ღ♥ღღ♥ღ

نذر علي والنذر مافيه تبديل ..
من يجرحك مايهتني في منامه !!
وان كان ماني مثل .. خيار الرجاجيل ..
قدم لي البرقع وجر العمامه !!

ღ♥ღღ♥ღ

تصدق كل شي فيني تغير ؟!
ما عاد المطر يهمني إذا بلل ثيابي ..
و لا عاد السهر يهمني إذا ما شفت أحبابي !!
كل شي فيني تغير .. حتى [ إحساسي ]
ما عاد ذاك الأحساس !!
صرت أشوف الدنيا أسود في اسود ..
و ذكـراي مـعـك أسـود فـي أسـود ..
و ماعاد تجتمع و تـلـتـقي الألوان في عيني معكـ !!

ღ♥ღღ♥ღ

يا قريب القلب لو أنك بعيد ..
مستحيل تغيب عني بالخيال ..
صورتك بالعين دايم تستعيد ..
ذكريات العمر يا صعب المنال ..
وحبك اللي صب في ساقي الوريد ..
ماخضع قلبي لغيره واستمال ..
لاحشى بالله ما غيرك أريد ..
من جميع الناس يا صافي الجمال ..
وأعتبرني مت من حبك شهيد ..
وموتي منك اعتبره لي وصال !!

ღ♥ღღ♥ღ

احبــــــــــك ولكن...
من يعرف اني احبك ؟
سوى
ربـــك
وقلبي
والوساده
وليل الشوق اللي تسهره عيني
ودمعي يوم خانتني الإراده
فخمس شهود عندي تأكدلك وتعطيك الافاده

ღ♥ღღ♥ღ

ما عادت أيام العمــر مثـل ما هــي ..
ما عــادوا أحبابي مثل أول أحبـاب ..
ما عاد يلفت في الزحــام انتباهــي ..
لا نظــرة عيون ولا كلمــة إعجـــاب ..
أصــــرخ ..
و صــرخـاتــي مداهـــا شفــاهـــي ..
و أبكــي ..
و دمعـــي على حــد الأهـــداب..

ღ♥ღღ♥ღ

لا تجيني الحين تشتكي العذاب..
عيشتني استفهام وانته حلها!!
عمري كله هموم مب ناقص عتاب..
والهموم بصدري منهو يشلها!!
ادري ان وصلكم مثل السراب..
وتدري انه ضحكتك شوقي لها!!
اشهد ان الحال من بعدك ما طاب..
لعنبو روحن تفارق خلها!!

ღ♥ღღ♥ღ

تعودني على غيابك ...
عشان تطول الغيبه ..
وانا مادري احسب انه ..
عشان تقول واحشني ..
جرحت اللي نسى الدنيا ..
عشانك وانت تدري به ..
وصار اسمي لك الذكرى ..
وصار اسمك ( معذبني ) ..

ღ♥ღღ♥ღ

طفل صغير علموه من الصغر 3 عيوب :
- لا تضحك بوحه الغريب..
- لا تسأل ؛؛
- والأهم، احذر تحب..

مر الزمن وحفظها بقلبه ؛؛
ومرت الأيام والوقت الطويل ..
ومر عليه طيفك من بعيد ؛؛
حس قلبه يرتجف وهو وده يقترب ..
" مسكين حبك "
وارتكب أحلى عيوبه ؛؛

ღ♥ღღ♥ღ

زعلان؟ لكني عارفة شلون أراضيك ْْ
محد غيري يعرف طبع خلي ،،
أدري علي زعلان لكن أوريك ْ
شلون ترضى يا بعد كل من لي ،،
ودي أحطك وسط عيني وأغطيك ْ
عشان ما تبعد عن العين ملي ،،
يلا ابتسم يلا ، ذبحني تغليك ْ
يكفي حبيبي زعل وكبر وتغلي ،،

ღ♥ღღ♥ღ

استاهل النسيان لاجيت ابنساك
واذا نسيت استاهل اللي يجيني !!!!



بعطيك سر وأحفظه في "حنـــــــــــاياك"


............(" انت")............
الوحيداللي تمكنت
............("فيني")...........

ღ♥ღღ♥ღ

جا يطيّب خاطـري فـي كلمتيـن
يحسب ان رضاي مضمون وسهـل
عذره اللي رجّعـه شـوق وحنيـن
يحسب ان رضـاي بشويـة غـزل
مادري اني حالف وحالـف يميـن
مـا أرد بكلمتـي مهمـا عـمـل
ما يليـن القلـب والله مـــا يليـــن
وان زعل يزعل ، ويعني لو زعل ؟!

ღ♥ღღ♥ღ

أنا ما ابكي على الدنيا و لا عن خيبـة ظنونـي
و لا ودي أعبر لك و أخيـب فينـي ظنونـك
برغم إنك ضمن أشخاص ذبحتوني و بعتونـي
عسى الله لا يجيب أشخاص عقب موتي يبيعونك
تصدق من بعد طعنتك ما عاد آمن على عيونـي
على قول المثل أحيان بتخطف يدك .. عيونـك
و لا تأمن بعد إنته ما دامـه لـف بـي كونـي
و خانوني أعز الناس ترى بـــيلف بك كونك

ღ♥ღღ♥ღ

يا قبر أعز إنسان غالي رقد فيــــكـ
خفف عليه من التراب الثقيلي♥

يا قبر ما نـــي طيبه عقــــب راعيكـ
إلي راعاني صار عندكـ نزيلي
أغليك أنا يا قبر من حب الي نزل فيك
مرحوم يا راعي الوفا والجميلي
ياللي سكـــنت القبر صوتي ينــاديكـ
موتكـ جرح قلبي وهد حيلي
ما أنساكـ واللــــه لين قبري يوازيكـ
وأعلن من الدنيا العريضه رحيلي (هذا يذكرني بجدتي رحمة الله عليها)

ღ♥ღღ♥ღ

نعم أدري انا الغلطان معاك الحق لو تزعل
ولكنّي ومهما يصير حبيبك والعذر واضح
تمرّ ظروف بي والله لو تدري بها تخجل
ألم كلّـي على بعضي وانا مقــدّر لو تسامح
حبيبك رغم كل البعد ولاظنيت ابتحمل
زعل لحظة بها تغلط وترمي سهمك الجارح
نعم يتعبني هجرانك ولكني ابتأمل
بخـير يوم يجمعنا نعيد الــود ونـتصـــارح
رحيق المر تجرعته من الدنيا وابتجمّـل
لآخر يوم في عمري ابعسف جرحي الجامح

ღ♥ღღ♥ღ

لو تدري
أنا اليوم من بعدك
بقايا جسد إنسان
بقايا عشق حرمان
على شاطي الحزن منثور
ولحظة فرح مأسورة
طول العمر في كفك
ولو تدري

ღ♥ღღ♥ღ

حسافة كيف انا بسلى وجرحي في وسط ذاتي
وعيني لا تذكرته غصـب هلـت مدامعهـا
تدمر خافقي كلـه وخانـت فـي هقواتـي
وهذي دنيتي خانت وأنا أجارى و اطاوعهـا
ألا ياخاين العشرة حرقـت القلـب بسكاتـي
غريبة بعض هالعالم عجزت اعرف طبايعها

ღ♥ღღ♥ღ

عهدٍ على ذكرى الألم .. و المهـانه..
لاخـــذ بثــار ادمـــوعنــا ... " يـا خفـوقـي "
جـرح ٍ بجــــرحْ .. و كل خيــانه بخيــانه ....!
حقي .. و جرحي لهْ من ابسط حقوقي

ღ♥ღღ♥ღ

اللي بقالي في غيابك سكوتك
واللي فقدته من غيابك حنانك
عذرك معك لو خبروني بموتك
وحقي عليك ان كان عذرك زمانك
ما كان موعد واعذرك لو يفوتك
انا انتظرت العمر كله عشانك

ღ♥ღღ♥ღ

انا عايشه مع العالم وكل الهم في صدري
واحاول اخفي دموعي عن اللي يحبوني
اشيل الهم عن غيري حتى لو قسى دهري
واسعد من يحبوني لو الحساد لاموني
انا ماهمني الا حبايب نزلوا قدري
عطوني الحب في الاول وتالي الامر بكوني

ღ♥ღღ♥ღ

القلب مجلس والمحبه تقهويك
.. فنيااان ماتستاهله غير يمناك

هني من عاشر من الناس شرواك
في ذمتي يعيش والراس مرفوع
تبقى عزيز وتعجبني مزاياك
ياللي بيمناك اجزل الطيب مطبوع
عسى البلاوي والمصايب تعداك
تصيب ناس عنهم الطيب مقطوع

ღ♥ღღ♥ღ







ياأغلى من سكن قلبي
وصار لحاله الغـــالي..
كثر مالك غلا
طاحت غلات الناس من عيني...
وصرت اشك انك عندي اغلى من حالي...
أنا مااقول لك :
شوقي في بعدك نار تكويني...!
ولكن بس اقول:
انت الوحيد اللي يجي في بالي..
تغيب
وتترك اطيوفك مثل ظلي تباريني...
وتجيب برجعتك روحي معاك وجوي يصفالي...
انا ماقلت لك :
انك تموتني و تحييني ...؟!
تبي اكبر دليل؟
اسمع حبيبـــي بيتي التـــالي :
زعلت البارحه مني ونويت انك تخليني ...
وطاحت دمعتي غصبٍ علي وصحت بالعالي..
وأنا من صغري ماأنادي على أي انسان جافيني ..
ودمعة عيني ماتنزل على اي شئ يجرالي..
وبس انت الوحيد اللي قلب وضعي ولعب فيني...
ياأغلى من سكن قلبــــي وصار لحاله الغالــــي..

ღ♥ღღ♥ღ

من صميم القلب أهدي لك
حروف,
الحبر فيها ذهب والغلا فوق
الوصوف,
وصفحتي لون الشفق
وللفرح فيها طيوف,
الوله فيها تبخر
وللجفا عنها عزوف,
أهدي أشواقي قصيدة ومن
بساتيني قطوف,
أرسلتها لك في ثواني
ماتعاندهاالظروف.

ღ♥ღღ♥ღ

يا حي رقمن يظهر شوي ويغيب٠
دايم له العليات ما حاد عنها٠
دايم تشوفه يجزي الطيب بالطيب٠
وعنده بحار العز أرست سفنها٠
شخصن بشوفه يصفق القلب ترحيب٠
وان غاب تبكي الروح تبغي وطنها٠

ღ♥ღღ♥ღ

تظلم حياتي من بعد نور طلتك
يرضيك اعيش اليوم من دون عيناك
كني كفيف منيته يوم شوفتك
ومن بعدها يقفل عيونه برؤياك
احسد تراب الارض من عقب خطوتك
ليت التراب يحس في عز ماطاك .

ღ♥ღღ♥ღ

ما قصدت أجافيك كان قصدي أتغلى
عليك!!
من~شوقي~وعشقي لك ماعرفت
أقول ((أبيك))أكابر"بحبي" لجل
عزة نفسي ~وبداخلي~أموت فيك!!
أثري@قلبك@زعل علي وصدق إني
ماأغليك؟؟ حشى والله
وربي~أبيع
الناس===>>وأشتريك

ღ♥ღღ♥ღ

مشكووووووووووووووووووور

العفووووووووو

:cheers: :cheers: :cheers: :cheers: :cheers: :cheers:

:ارحبووووووووو: :اهلين: :فديتك: :شكرا: على الموضوع :حلو: :lool: :lool: :lool: يا :21345: :تؤبرني: د

:مع السلامة:

العفو